Ինտերիերի դիզայնում պարբերաբար ի հայտ են գալիս նոր տենդենցներ, որոնք բնակարանը դարձնում են առավել հարմարավետ ու գեղեցիկ։
Չնայած սրան՝ գորգերի պահանջարկն ինտերիերում դեռ շարունակում է մեծ մնալ, քանի որ գորգերը ոչ միայն գեղեցիկ ու պրակտիկ են, այլև համարվում են երկարաժամկետ դեկորներ։ Այժմ նորաձև են ակրիլային գորգերը, որոնց առավելությունների ու թերությունների մասին կխոսենք մեր այսօրվա հոդվածում։
Ակրիլային սինթետիկ նրբաթելերից պատրաստված գորգերն ունեն որոշակի առավելություններ՝
– Հակաալերգիկ են, շատ հարմար երեխաների ու ալերգիկների համար:
– Աչքի են ընկնում թեթևությամբ:
– Նախշերի լայն ընտրանու շնորհիվ հնարավորություն են տալիս ընտրություն կատարելու ցանկացած ինտերիերին ու ճաշակին համապատասխան:
– Թելի գույնը երկար է պահպանվում, նույնիսկ եթե երկար ժամանակ գտնվում է արևի ուղիղ ճառագայթների տակ:
– Մեծ խնամք չեն պահանջում:
Այս ամենով հանդերձ, ակրիլային գորգերն ունեն նաև թերություններ՝
– Յուղի ու ներկող նյութերի հետքերը մտնում են թելերի մեջ, որոնք անմիջապես չհեռացնելու դեպքում դրանք դժվարությամբ կմաքրվեն:
– Հատուկ քիմիական մշակման բացակայության դեպքում ակրիլային գորգերն էլեկտրանանում ու հեշատությամբ բոցավառվում են։
– Լվանալուց հետո խավը կարող է վերանալ։
– Պահպանման միջին ժամկետը կազմում է 5-6 տարի:
– Մեխանիկական ազդեցությունների, օրինակ՝ կոշտ խոզանակով սրբելու դեպքում մնում են հետքեր, որոնք հնարավոր չի լինում վերացնել։
Ակրիլային գորգերը ժամանակ առ ժամանակ խնամելու կարիք են ունենում՝ պետք է ամեն օր մաքրել փոշեծծիչով, փափուկ սպունգով ու մաքրող միջոցներով հեռացնել ավելորդ կեղտերը։
