Հայելին լոգասենյակի ամենակարևոր ու անհրաժեշտ իրերից է: Առանց հայելու հնարավոր չէ պատկերացնել ինտերիերը և հատկապես լոգասենյակը: Բացի անհրաժեշտություն լինելուց, հայելին ինտերիերում օգտագործվում է նաև այլ նպատակներով: Դրա շնորհիվ հնարավոր է սենյակի տարածությունն ընդարձակել: Օրինակ` փոքր սենյակից ստանալ մեծ, նեղ սենյակից` լայն, իսկ ցածր առաստաղ ունեցող սենյակի առաստաղը տեսողական առումով բարձրացնել:
Ճիշտ ու գրագետ ընտրված հայելիների շնորհիվ լոգասենյակն ավելի հարմարավետ է դառնում: Այդ իսկ պատճառով պետք է ընտրել լոգասենյակի ինտերիերին համապատասխան հայելի, որպեսզի սանհանգույցի ներդաշնակությունը պահպանվի:
Ինչպե՞ս ընտրել սանհանգույցի հայելի
Լոգասենյակի համար ճիշտ հայելի ընտրելու համար անհրաժեշտ է հաշվի առնել՝
- Սանհանգույցի ընդհանուր դիզայնը
- Տեղադրման հատվածի ճիշտ ընտրություն
- Հայելու համադրությունը լոգասենյակի ինտերիերի մյուս տարրերի հետ
Ի տարբերություն սովորական հայելիների` լոգասենյակի հայելիները տարբերվում են խոնավադիմացկունությամբ: Դա թույլ է տալիս, որպեսզի հայելին երկար ժամանակ դիմակայի խոնավությանն ու զերծ մնա վնասվածքներից:
Հայելի ընտրելիս մի՛ մոռացեք նաև շրջանակների մասին: Բացի գեղեցիկ լինելուց, դրանք պետք է պատրաստված լինեն խոնավադիմացկուն նյութերից:
