Կերամոգրանիտ կարելի է տեսնել ցանկացած վայրում՝ տանը, գրասենյակում, հյուրանոցում… Կերամոգրանիտն այսպիսի լայն տարածում է ստացել քիմիական և ֆիզիկական հատկությունների, դիզայնի և յուրօրինակ տեսքի շնորհիվ։ Այս հոդվածով ձեզ ենք ներկայացնում կերամոգրանիտի հատկությունները։
Նյութը
Կերամոգրանիտն ստեղծվել է արհեստական ճանապարհով. այն կոմպակտ, կոշտ, գունավոր և հարթ կերամիկայի տեսակ է, պատրաստվում է տարբեր բնական նյութերի խառնուրդից, ինչպիսիք են սպիտակ կավը, դաշտային սպաթները, ավազը և այլն: Կերամոգրանիտն արտադրվում է արդյունաբերական եղանակով՝ բարձր ջերմաստիճանի և ճնշման պայմաններում: Այն անցնում է հատուկ մակերևութային մշակում, որի միջոցով էլ առաջանում է յուրօրինակ հյուսվածք, ինչից էլ ստանում են ցանկացած ձև՝ ժամնակակից տեսքից մինչև «անտիկ» էֆեկտ։
Առանձնահատկությունները
Կերամոգրանիտի գլխավոր առանձնահատկությունը առավելագույն դիմացկունությունն է և ժամանակի ընթացքում փխրունություն ձեռք չբերելու հատկությունը:
Ծակոտկենության բացակայության շնորհիվ կերամոգրանիտը դիմացկուն է ջրի, բծերի և մաշվածության նկատմամբ, ինչի շնորհիվ էլ չի կորցնում իր փայլը և երկար ժամանակ պահպանում է սկզբնական տեսքը։
Կերամոգրանիտն իդեալական տարբերակ է խոհանոցային կահույքի և մակերևույթների համար: Դրա ոչ ծակոտկեն մակերեսը կանխում է բակտերիաների կուտակումը և ստեղծում է հիգիենիկ աշխատանքային մակերես, որն էլ իդեալական է սննդի պատրաստման համար՝ միաժամանակ շատ հեշտ կարելի է խնամել։ Խոհանոցում պատրաստվող ըմպելիքները կամ սոուսները, ինչպիսիք են՝ սուրճը, կարմիր գինին կամ լոլիկի հիմքով մածուկը, ոչ մի բիծ չեն թողնում կերամոգրանիտի վրա։ Ջերմակայուն հատկությունների շնորհիվ կերամոգրանիտի վրա ոչ մի հետք չեն թողնի տաք տապակները, որոնք երբեմն սալօջախի վրայից միանգամից տեղափոխվում են սեղանի վրա կամ լվացարանի մեջ:
Ամփոփելով կերամոգրանիտի հատկությունները՝ կարող ենք ասել, որ այն օժտված է հետևյալ հատկանիշներով.
- Ցրտադիմացկունություն
- Հարվածակայունություն
- Չքերծվող մակերես
- Ցածր ծակոտկենություն
- Ջրակայունություն
Կիրառությունը
Կերամոգրանիտն օգտագործվում է արձանիկներ և դեկորներ պատրաստելու, լողավազանների, լոգարանների, խոհանոցների, բակերի նորոգման կամ վերանորոգման համար։
Այսօր կերամոգրանիտը դարձել է շատերի ոգեշնչման աղբյուրը. շատ մասնագետներ կարող են կյանքի կոչել իրենց մտքի թռիչքը՝ բնակարանը դարձնելով յուրօրինակ միջավայր։ Գործարաններում կերամոգրանիտից կարող են ստանալ ինչպես մամարե, այնպես էլ գրանիտե տեսք, որն արթնացնում է հին ժամանակները հիշեցնող նրբագեղությունը և հարմարավետությունը, բայց միևնույն ժամանակ ապահովում է ժամանակակից տեսք և այդ ամենը՝ շատ մատչելի գներով:
Կերամոգրանիտի տարածվածության պատճառներից մեկն էլ գնի, որակի և տեսքի իդեալական համադրությունն է:
Լողավազանների, սպա կենտրոնների, լոգասենյակների համար իդեալական տարբերակ են կերամոգրանիտե սալիկները, լոգարանները, լվացարանները։ Վերջիններիս դիմացկունության շնորհիվ դրանք կարելի է օգտագործել բոլոր եղանակային պայմաններում, քանի որ զերծ կպահի խոնավությունից՝ բակտերիաների, սնկերի և բորբոսների տարածումից, որոնք հակված են աճելու խոնավ միջավայրում։ Լողավազաններից դուրս նյութը պաշտպանված է շրջակա միջավայրի քիմիական և ուլտրամանուշակագույն ճառագայթմաներից:
Կերամոգրանիտե սեղանները կամ լավացարանները խոհանոցի համար կատարյալ նյութ են, եթե հաշվի առնենք բարձր որակային մեխանիկական ստանդարտները՝ հիգիենա և ամրություն, թունավոր նյութերի բացակայություն. ոչ մի վնասակար բակտերիա չի առաջանում մթերքի հետ անմիջական շփումից, ունի բարձր տեխնիկական արդյունավետություն։
Ամփոփելով կերամոգրանիտի թեման՝ հուշենք, որ եթե որոշել եք լուրջ զբաղվել վերանորոգման աշխատանքներով, ապա պետք չէ մոռանալ նաև կերամոգրանիտին և նրանից պատրաստված պարագաներին։
