Շոգ ամառը ետևում է, իսկ առջևում աշնանային ու ձմեռային ցրտերն են: Ճիշտ ժամանակն է մտածելու ջեռուցման մասին ու հարկ եղած դեպքում փոխարինելու հին ու շարքից դուրս եկած ռադիատորները:
Ի՞նչն է շարքից հանում ջեռուցման մարտկոցները
Նոր ջեռուցման մարտկոց գնելուց առաջ կարևոր է հասկանալ՝ ինչո՞ւ են հին մարտկոցները դադարել աշխատել, հնարավո՞ր է արդյոք վերանորոգել դրանք, թե՞ նորը պետք է ձեռք բերել: Առաջին ու, ցավոք, չվերացող պատճառը ջրի վատ որակն է: Բացի դրանից, ջրի հետ մանր աղբ է գալիս, ինչը քայքայում է մարտկոցների պատերը: Ահա այս պատճառով խողովակներն ու մարտկոցները տուժում են քայքայումից, իսկ նստվածքը ռադիատորին թույլ չի տալիս ինչպես հարկն է տաքացնել սենյակը:
Մյուս ակնհայտ պատճառը ջեռուցման համակարգում ճնշման տարբերություններն են: Դա կարող է լինել ռադիատորի ներսում հազիվ լսելի թխկթխկոցի կամ ջրային լուրջ հարվածների ձևով, ինչի պատճառով մարտկոցից կարող է հոսել:
Ինչի՞ մասին է խոսում նյութը
Որքան ասես՝ կարելի է քննադատել չուգունե մարտկոցների քաշն ու հնաոճ դիզայնը, բայց հենց այս նյութը կարելի է անվանել ռադիատորի դեպքում լավագույնը: Նման մարտկոցները լավագույն ջերմափոխանցումն ունեն, կայուն են կոռոզիայի ու ճնշման տատանումների նկատմամբ: Պողպատե մարտկոցներն այսօր շատ տարածված են շնորհիվ մոդելների բազմազանության, բայց չուգունե մարտկոցներից ավելի երկարակյաց չեն; Բացի այդ՝ դրանք հարմար են ավելի շուտ առանձնատների համար, քան բնակարանների, որտեղ ջրային հարվածներ հաճախ են պատահում, իսկ ճնշման կտրուկ տատանումները պողպատե մարտկոցի համար շատ վտանգավոր են:
