Տանը տաք ջրի երկար բացակայությունը ցանկացած մարդու կարող է գցել հուսահատության մեջ: Յուրաքանչյուր ոք լուծում է այս խնդիրը յուրովի. ոմանք տեղադրում են մեծ պահեստային բաք, մյուսները օգտագործում են կոմպակտ ակնթարթային ջրատաքացուցիչներ, ոմանք էլ նախընտրում են էլեկտրական տաքացնող ծորակներ, ժողովրդի լեզվով ասած՝ գեյզեր ծորակներ:
Գեյզեր ծորակն իրականում սովորական ծորակ է՝ տաք և սառը ջրի խառնիչով: Խառնիչի մեջ կոմպակտ կերպով տեղակայված են ջեռուցման տարրեր և շատ նուրբ սարքավորումներ, որոնք ապահովում են սարքի անվտանգ շահագործումը։ Գեյզերով ծորակն աշխատում է էլեկտրական հոսանքով, հետևալ երեք ռեժիմներով՝ անջատում, սառը ջրի ռեժիմ, տաք ջրի ռեժիմ:
Հենց այս՝ գեյզեր ծորակներն էլ կարող են դառնալ բնակարանը, ամառանոցը կամ գրասենյակը տաք ջրով ապահովելու հարցում իրական լուծում, ահա՛ թե ինչու:
1․Էներգաարդյունավետություն: Ջրատաքացուցիչ-ծորակի շահագործման ժամանակ էլեկտրաէներգիայի սպառումն սկսվում է ջրամատակարարումը միացնելիս և դադարում անմիջապես անջատվելուց հետո: Սա թույլ է տալիս խուսափել էլեկտրաէներգիայի ավելորդ ծախսից:
2․ Մատչելի գին: Ի տարբերություն դասական էլեկտրական ջրատաքացուցիչների և ջեռուցման կաթսաների՝ գեյզերով տաքացվող ծորակները բավական մատչելի են և կարող են ապահովել բնակարանի մշտական տաք ջուրն՝ առանց վնասելու ընտանեկան բյուջեն:
3․ Տաք ջուր՝ գրեթե ակնթարթորեն: Տաքացնող ծորակները սահմանված ջերմաստիճանի ռեժիմին հասնում են ընդամենը 5 վայրկյանում: Նշենք, որ ծորակից բացի, այս ջրատաքացուցիչները կարող են ունենալ նաև ցնցուղ, ինչը նշանակում է, որ շատ արագ հնարավոր է կազմակերպել ոչ միայն լվացվելու և սպասք լվանալու, այլև լոգանքի հարցը:
4․ Փոքր չափսեր: Կոմպակտ չափերի շնորհիվ գեյզերով ծորակները հնարավոր է տեղադրել ցանկացած վայրում՝ նույնիսկ շատ սահմանափակ մակերեսով տարածքներում, ինչպիսիք են գրասենյակները, բժշկական և կոսմետոլոգիական կաբինետները, արագ սննդի կրպակները:
5․ Տեղադրման պարզություն: Էլեկտրական տաքացվող ծորակները հեշտությամբ ամրացվում են լվացարաններին՝ միանալով ջրի խողովակներին: Ջրատաքացման ռեժիմն ապահովելու համար անհրաժեշտ է ընդամենը էլեկտրական սնուցման վարդակ: Տեղադրման համար հատուկ գիտելիքներ և վարպետի աշխատանք չի պահանջվում, ի տարբերություն այլ ջրատաքացուցիչների:
Միակ թերությունը, որ կարելի է նշել գեյզեր ծորակների մասին՝ այն է, որ տաք ջրի մեծ և անընդհատ սպառման կարիք ունեցող վայրերում չի կարող իր վրա վերցնել տաք ջրի մատակարարման ողջ ծավալը: Այդպիսի դեպքերում անհրաժեշտ է տեղադրել պահեստային բաքերով ջրատաքացուցչներ կամ ջեռուցման կաթսաներ, իսկ տաք ջրի ոչ մեծ սպառման անհրաժեշտության դեպքում գեյզեր ծորակն ուղղակի իդեալական տարբերակ է:
