Ի՞նչ առավելություններ ունի մոզաիկան, և ո՞ր սենյակները կարելի է հարդարել մոզաիկայով. այս մասին կխոսենք մեր այսօրվա հոդվածում։
Մոզաիկայի պատմությունը գալիս է դեռևս Հին Եգիպտոսից ու Հին Չինաստանից, որտեղ այն համարվում էր բարեկեցիկ կյանքի ապացույցը։
Այդ ժամանակաշրջանում տները հարդարելու համար օգտագործվում էին միայն բնական նյութեր, օրինակ` մարմար կամ ապակի։ Այժմ նույնպես օգտագործվում են բնական նյութեր՝ ապակի, կերամիկա, քար, մարմար, որոնք շատ ավելի թանկ են, քան արհեստական նյութերը, և նույնպես լայն կիրառություն ունեն։ Դրանք բավարարում են տարբեր խավի ներկայացուցիչների պահանջները։
Մոզաիկայի շնորհիվ կարելի է ստանալ գեղեցիկ ու պրակտիկ ոճ ինտերիերում։ Ավելի հաճախ այն կիրառվում է լոգարանում ու խոհանոցում, սակայն կարելի է օգտագործել նաև հատակի ու պատերի երեսպատման համար։
Մոզաիկայի առավելությունները
- Մոզաիկան դիմացկուն նյութ է
- «Չի վախենում» խոնավությունից
- Մոզաիկան կարելի է հավաքել այնպես, որ արդյունքում ստացվի յուրօրինակ պատկեր
- Մոզաիկան հարմար է ինչպես հավասար պատերի ու մակերեսների երեսպատման, այնպես էլ կոր դեկորների համար։
Եթե հոգնել եք միանման դեկորներից, ապա նոր դեկորներ ստեղծելու լավագույն տարբերակը հայելային մոզաիկան է։ Այն կարող է ունենալ ինչպես փայլուն, այնպես էլ փայլատ մակերես։ Նման մոզաիկայով կարելի է հարդարել տան ցանկացած սենյակ՝ խոհանոց, լոգասենյակ, հյուրասենյակ, ննջասենյակ։ Ամեն ինչ կախված է մարդու երևակայությունից։
- Շատ հաճախ հայելային մոզաիկայով հարդարում են ծաղկամանները, սյուները, դռները, ինչը թույլ է տալիս ստեղծել հետաքրքիր օպտիկական էֆեկտներ։
- Մոզաիկան կիրառվում է նաև լոգասենյակում։ Լոգասենյակը տան առանձնահատուկ սենյակներից մեկն է, որտեղ մարդը հանգստանում ու ազատվում է բացասական էներգիայից։ Մոզաիկան հնարավորություն է տալիս ստեղծելու գեղեցիկ ու ներդաշնակ ինտերիեր ինչպես լոգասենյակում, այնպես էլ տան յուրաքանչյուր սենյակում
