Շատերի կարծիքով լավ բնակարանի հատակը պետք է պատված լինի մանրատախտակով, իսկ տախտակե հատակը գյուղական տան տպավորություն է թողնում: Փորձենք հասկանալ, թե ո՛ր տարբերակն է ճիշտ և արդյոք տախտակե հատակն ունի՞ թերություններ։
Տախտակե հատակը կարող է ճաքճքել, ճռճռալ. սրանք ընդամենը կարծրատիպեր են, որոնց մասին պարզապես կմոռանաք տախտակե հատակի առավելություններին ծանոթանալուց հետո։
Թե՛ ճաքճքելը, թե՛ ճռճռալը կարող են լինել նաև մանրատախտակի դեպքում, իսկ այդ երևույթներից խուսափելու համար պետք է որոշակի քայլեր ձեռնարկել մինչ հատակը հավաքելը։
Հատակի համար նախատեսված տախտակը փայտի ամբողջական զանգված է։ Որակով պայմանավորված՝ հատակի համար նախատեսված տախտակը կարող է լինել էքստրա, А, В և С կարգերի։ Դրանցից երկուսը՝ էքստրա և А կարգերը, լրացուցիչ մշակման ու հարթեցման կարիք չունեն։ Պետք է նաև հաշվի առնել՝ արդյոք բնափայտը մշակվա՞ծ է հականեխիչ միջոցներով, թե՞ ոչ։
Տախտակի խոնավությունը չպետք է գերազանցի 10 %-ը։ Պարզե՛ք, թե ինչ պայմաններում է պահպանվել նյութը, որպեսզի խուսափեք վատ անակնկալներից։
Մինչ վերջնական մշակումը, բնափայտը պետք է ենթարկել նախնական մշակման ու հարթեցման։ Տախտակները տեղադրելուց հետո, որպեսզի խուսափեք դրանք վնասելուց, ծածկեք օրգալիտ կոչվող ծածկույթով։
Դիզայներները հաճախ են սիրում ներկել հատակը՝ հատուկ էֆեկտներ հաղորդելու համար։ Մի՛ վախեցեք հատակը տարատեսակ գույներով ներկելուց․ դրանք ընդգծում են կահույքն ու աքսեսուարները։
Օրինակ՝ սպիտակ հատակը բաց երանգներով կահույքի ու պատերի հետ ընդարձակում է տարածությունը՝ այն ավելի նուրբ ու թեթև դարձնելով, իսկ վառ գույնով ներկված հատակը սենյակին յուրօրինակ արտահայտչականություն է հաղորդում։
